30.03.2025
Міжнародная навукова-тэхнічная канферэнцыя "Новыя тэхналагічныя рашэнні для дарог і мастоў у транспартнай інфраструктуры" прайшла ў беларускай сталіцы. Штогод гэта ўжо стаўшае традыцыйным мерапрыемства збірае прадстаўнікоў прафесійнай супольнасці дарожнай сферы. На гэты раз канферэнцыя аб'яднала вядучых экспертаў, навукоўцаў і практыкаў з Беларусі, Расіі, Узбекістана, Таджыкістана, Туркменістана, Кыргызстана.
Праграма ўключала пленарнае пасяджэнне і дзве секцыі: дарожную і маставую. На парадку дня – актуальныя пытанні развіцця транспартнай інфраструктуры.
Як адзначыў у сваім выступленні на адкрыцці навукова-тэхнічнай канферэнцыі намеснік начальніка галоўнага ўпраўлення аўтамабільных дарог Мінтранса Сяргей Лявончык, павышэнне якасці дарог і даступнасці транспарту з'яўляецца адным з дзяржаўных прыярытэтаў у нашай краіне. "Мы павінны ствараць умовы для камфортнага жыцця ва ўсіх рэгіёнах Беларусі. Якасныя, зручныя, бяспечныя дарогі – гэта мэта для ўсёй краіны, не толькі для абласных цэнтраў і Мінска", – сказаў ён.
Так, у 2021-2025 гадах у Беларусі будзе адрамантавана і рэканструявана 18 тыс. км дарог і амаль 500 мастоў.
Сяргей Лявончык: "На наступную пяцігодку ставім сабе не менш амбіцыйную задачу – адрамантаваць каля 25 тыс. км дарог і больш за 500 мастоў. Гэта задача сур'ёзная. Таму важна, каб мы разам з заказчыкамі, падраднымі арганізацыямі, праектнымі, навуковымі інстытутамі працавалі як адзінае цэлае".
Арганізатарам міжнароднай канферэнцыі з'яўляецца дзяржаўнае прадпрыемства "БелдарНДI" – вядучы Беларускі навукова-даследчы інстытут у галіне дарожнага будаўніцтва, які займаецца распрацоўкай новых тэхналогій і матэрыялаў, праводзіць навуковыя даследаванні і выпрабаванні.
Дарэчы, цяпер беларускія і ўзбекскія дарожнікі ствараюць новыя саставы асфальтабетону – больш трывалыя і ўстойлівыя да высокіх тэмператур.
"На дадзены момант з Узбекістанам працуем над новымі саставамі асфальтабетону, якія будуць устойлівыя да тэмпературных рэжымаў і валодаць высокай трываласцю. Сёння ў лабараторных умовах мы можам прагназаваць, колькі праслужыць асфальтабетон пры пэўнай інтэнсіўнасці", - кажа дырэктар "БелдарНДI" Віталь Пілатаў.
Кіраўнік iнстытута распавёў аб развіцці будаўніцтва дарог з цэментабетону ў Беларусі: "Летась мы распрацавалі новыя комплексныя высокатэхналагічныя вадкія дабаўкі ў бетон, запусцілі аўтаматычную лінію па іх вытворчасці. Гэта дазволіла дарожным арганізацыям атрымліваць якасны беларускі прадукт, які палепшыць эксплуатацыйныя характарыстыкі і падоўжыць міжрамонтныя тэрміны цэментабетонных пакрыццяў аўтамабільных дарог".
