29.07.2025
Уся неабходная інфармацыя для падачы дакументаў і ўключэння звестак у рэестр размешчана на сайце Транспартнай інспекцыі.
Нагадваем, што ў адпаведнасці з Указам Прэзідэнта Рэспублікі Беларусь ад 25 студзеня 2024 г. № 32 з'яўляецца незаконнай і забараняецца транспартная дзейнасць у сферы перавозак пасажыраў у нерэгулярных зносінах, у тым ліку аўтамабілямі-таксі, без уключэння ў рэестр звестак аб транспартных сродках (аўтобусах, легкавых аўто, аўтамабілях-таксі), кіроўцах і дыспетчарах.
З 1 лістапада 2024 года па выніках кантрольных мерапрыемстваў транспартнай інспекцыяй канфіскавана 307 легкавых аўтамабіляў, якія выкарыстоўваліся пры перавозках пасажыраў у сферы таксі без уключэння звестак аб гэтых аўто ў рэестр.
Звяртаем увагу, што дыспетчар таксі мае права перадаваць заказы на перавозку пасажыраў аўтамабілямі-таксі толькі перавозчыкам, звесткі аб якіх (у тым ліку кіроўцах і аўтамабілях) уключаны ў рэестр.
