17.10.2025
Дакумент падпісалі з беларускага боку Міністр транспарту і камунікацый Аляксей Ляхновіч, з аманскай – Міністр гандлю, прамысловасці і садзейнічання інвестыцыям Каіс бін Махамад Аль Юсеф.
Падпісанне міжурадавага пагаднення адбылося па выніках праведзеных у Мінску перамоў паміж Прэзідэнтам Беларусі Аляксандрам Лукашэнка і Султанам Амана Хайсамам бен Тарэкам Аль Саідам.
Лідары дзвюх краін прынялі сумесную заяву. Прэзідэнт Беларусі і Султан Амана сышліся ў меркаванні, што сумесныя праекты прамысловай кааперацыі, якія знаходзяцца ў стадыі распрацоўкі, спрыяльна адаб'юцца на развіцці двухбаковых эканамічных адносін з улікам лагістычнага патэнцыялу Амана і перавагі яго мадэрнізаванай інфраструктуры, гаворыцца ў сумеснай заяве.
Кіраўнікі дзяржаў падкрэслілі важнасць праграмы прамых чартэрных рэйсаў па маршруце Мінск - Салала - Мінск, якая была запушчана ў лютым гэтага года. Лідары выказалі рашучасць абедзвюх краін працаваць разам дзеля павелічэння ўзаемнага патоку турыстаў.
