14.11.2025
Аляксандр Лукашэнка даручыў вырашыць пытанне з чэргамі на маршруткі ў гадзіны пік, у тым ліку за кошт прыцягнення на запатрабаваныя маршруты дадатковай тэхнікі, уключаючы электратранспарт.
Прэзідэнт адзначыў, што ў Беларусі развіваецца электратранспарт: пілотныя праекты ўкаранёны ў Шклове, Жодзіне і Наваполацку. У цэлым у краіне эксплуатуецца больш за 44 тыс. электрамабіляў, налічваецца звыш 1870 зарадных станцый.
Аляксандр Лукашэнка: "У сувязі з гэтым выклікае здзіўленне, чаму ёсць недахоп грамадскіх відаў транспарту ў прыгарадных і міжгародніх зносінах. Гэтая тэма падымаецца людзьмі ў тым ліку ў сацыяльных сетках. < ... > Мы што, не можам замяніць гэтыя маршруткі, Аляксандр Генрыхавіч, аўтобусамі? Трэба паставіць, аж да таго, што не толькі на рухавіках унутранага згарання аўтобусы, але і электробусы паставіць. І хай ідуць. З задавальненнем людзі паедуць. Камфортна, паветрам дыхаюць у гэтым аўтобусе, не сядзяць там (як у маршрутках. - Заўв. БЕЛТА) заціснуўшыся".
Паводле слоў Прэзідэнта, гэта быў бы і больш бяспечны від транспарту: "Ну, страцім мы 2-3 хвіліны, але жывыя будзем і здаровыя".
