Міністэрства транспарту і камунікацый Рэспублікі Беларусь

У рамках круглага стала абмеркавалі наступныя пытанні:

• бягучае становішча спраў і праблемныя пытанні ў сферы арганізацыі аўтамабільных перавозак пасажыраў у рэгулярных зносінах;
• развіццё хуткіх і камфортных транспартных зносін паміж Мінскам і гарадамі-спадарожнікамі;
• арганізацыя ўнутрырэспубліканскіх аўтамабільных перавозак пасажыраў у рэгулярных зносінах з улікам арганізацыі дарожнага руху ў горадзе Мінску;
• праблемныя пытанні ў сферы міжгародніх міжабласных аўтамабільных перавозак пасажыраў у рэгулярных зносінах, заказчыкам якіх выступае Магілёўскі аблвыканкам;
• канцэпцыя арганізацыі аўтамабільных перавозак пасажыраў населеных пунктаў з мінімальным і няўстойлівым пасажырапатокам;
• удасканаленне сістэмы арганізацыі аўтамабільных перавозак пасажыраў у рэгулярных зносінах з пункту гледжання бізнес-супольнасці.

Намеснік міністра транспарту і камунікацый Сяргей Дубіна паведаміў: "Кіраўніком дзяржавы пастаўлена задача пазбавіцца ад чэргаў на маршруткі ў рэгулярных зносінах, каб пасажырам зручней было карыстацца грамадскім транспартам, не ствараючы ажыятажу на прыпыначных пунктах. < ... > Перавозчыкі цяпер карыстаюцца разрозненымі сістэмамі продажу квіткоў. Прапрацоўваем пытанне стварэння ў краіне адзінай сістэмы, якая б уключала ўсе маршруты: прыгарадныя, міжгароднія і міжнародныя".

У Беларусі нацэлены максімальна выкарыстоўваць магчымасці больш ёмістага і камфортнага рухомага саставу. Стаіць задача на пэўных маршрутах замест транспарту катэгорыі М2 (мікрааўтобусы) задзейнічаць транспарт катэгорыі М3 (аўтобусы).

Па рашэнні Урада 15 аўтобусаў катэгорыі М3 набыта для Мінскай вобласці. Штогод плануецца абнаўленне не менш як 10% рухомага саставу транспарту агульнага карыстання. "Першая задача - на доўгіх адлегласцях замяніць маршруткі транспартам большай умяшчальнасці. Гэта больш камфортны, надзейны, бяспечны від транспарту", - адзначыў намеснік міністра.

Па выніках круглага стала плануецца падрыхтаваць дарожную карту па пытаннях арганізацыі ўнутрырэспубліканскіх перавозак пасажыраў у рэгулярных зносінах, якая будзе ўключаць механізм вырашэння існуючых праблемных пытанняў.