Больш за 200 дадатковых цягнікоў прызначана на навагоднія і калядныя святы

25.11.2025

Для задавальнення попыту на чыгуначныя перавозкі ў перыяд з 24 снежня па 12 студзеня БЧ арганізавана дастаўка пасажыраў.

Дадаткова прызначана:

у міжнародных зносінах з Расіяй – больш за 60 цягнікоў па папулярных напрамках (Мінск – Масква, Брэст – Масква, Полацк – Масква і Мінск – Санкт-Пецярбург)
ва ўнутрырэспубліканскіх зносінах – каля 150 цягнікоў па асноўных напрамках, якія злучаюць Мінск з абласнымі цэнтрамі.

Таксама БЧ увяла графік руху цягнікоў, які будзе дзейнічаць на працягу года. З 15 снежня 2025 года ў графіку прадугледжана штодзённае курсіраванне дадатковага цягніка "Ластаўка", які злучае сталіцы Расіі і Беларусі.