У Беларусі актуалізаваны правілы перавозак грузаў, пасажыраў і багажу ўнутраным водным транспартам

20.01.2026

21 студзеня ўступае ў сілу пастанова Мінтранса ад 24 кастрычніка 2025 года №87 "Аб перавозках унутраным водным транспартам".

Дакумент рэгулюе адносіны па арганізацыі камерцыйных перавозак грузаў юрыдычнымі асобамі незалежна ад формы ўласнасці, ІП і фізічнымі асобамі, усталёўвае патрабаванні ў дачыненні да асобных відаў грузаў. Вызначаны парадак афармлення перавозак грузаў, запаўнення дакументаў, падачы заявак на перавозку, маркіроўку, пламбаванне судоў і кантэйнераў, вызначэння масы грузаў.

Што тычыцца правілаў перавозак пасажыраў і багажу, то іх дзеянне не распаўсюджваецца на перавозкі:

спецыяльнага прызначэння і службовыя перавозкі для ўласных патрэб
якія выконваюцца пасажырскімі судамі для забеспячэння абараназдольнасці, правапарадку і ліквідацыі надзвычайных сітуацый

Заключэнне дагавора перавозкі пасажыра засведчваецца білетам, а на турысцкіх і экскурсійна-прагулачных маршрутах — пуцёўкай. Здача багажу засведчваецца выдачай багажнай квітанцыі. Калі іншае не ўстаноўлена заканадаўствам, то тарыфы ўсталёўваюцца перавозчыкам.

Некаторыя пастановы ведамства прызнаюцца страціўшымі сілу. Прававы акт прыняты ў адпаведнасці з Кодэксам унутранага воднага транспарту Рэспублікі Беларусь.