Міністэрства транспарту і камунікацый Рэспублікі Беларусь

Пастановай прадугледжваецца:

• зацвярджэнне Правілаў аўтамабільных перавозак пасажыраў і грузаў;
• унясенне змяненняў у Палажэнне аб парадку правядзення конкурсу на права выканання аўтамабільных перавозак пасажыраў у рэгулярных зносінах;
• дадатак пераліку кансалідатараў заявак экспарцёраў на перавозку прадукцыі чыгуначным транспартам у КНР.

Асноўнымі зменамі ў частцы Правілаў перавозак пасажыраў з'яўляюцца:

• абавязковасць аснашчэння аўтобусаў, якія выконваюць перавозкі пасажыраў, сродкам відэафіксацыі;
• абсталявання пасажырскіх сядзенняў аўтобусаў рамянямі бяспекі;
• выключэнне нормы аб абавязковасці праходжання кіроўцамі навучання ў рамках адукацыйнай праграмы навучальных курсаў;
• замацаванне абавязку аўтамабільнага перавозчыка заключыць з кіроўцам працоўны дагавор;
• замацаванне відаў праязных дакументаў і вызначэнне парадку іх выкарыстання па аналогіі з гарадскім электрычным транспартам;
• выключэнне выпадкаў змены спосабу аплаты пры выкананні аўтамабільнай перавозкі аўтамабілямі-таксі і ўпарадкаванне аплаты з дапамогай электроннай інфармацыйнай сістэмы;
• выключэнне выпадкаў адмоваў пры браніраванні месца для праезду і высокага кошту паслуг па перавозках пасажыраў аўтамабілямі-таксі пры замове паездкі без выкарыстання інфармацыйных сістэм, мабільных праграм, паслуг дыспетчара таксі непасрэдна ў кіроўцы.

Асноўнымі зменамі ў частцы Правілаў перавозак грузаў з'яўляюцца:

• аснашчэнне грузавых транспартных сродкаў сродкам відэафіксацыі і апаратурай спадарожнікавай навігацыі;
• аснашчэнне кузава грузавога транспартнага сродку пры перавозцы (транспарціроўцы) драўніны пецыяльнымі прыстасаваннямі (стойкамі, конікамі, шыпамі, грабянцамі супрацьслізгацення і інш.), якія прадухіляюць магчымасць зрушэння грузу;
• абсталяванне грузавога транспартнага сродку і прычэпа (паўпрычэпа) да яго полагам для абароны аўтамабільнай дарогі і прыдарожнай паласы ад забруджванняў;
• устанаўленне абавязку для вадзіцеля па выкарыстанні полага для абароны аўтамабільнай дарогі і прыдарожнай паласы ад забруджванняў;
• устанаўленне абавязку для перавозчыка абсталяваць кузаў грузавога транспартнага сродку полагам для абароны аўтамабільнай дарогі і прыдарожнай паласы ад забруджванняў, а таксама забяспечыць яго належнае выкарыстанне кіроўцам і забяспечыць на працягу працоўнай змены відэафіксацыю выканання аўтамабільных перавозак грузаў, захоўванне атрыманых дадзеных.

Асноўнымі зменамі ў частцы Палажэння аб парадку правядзення конкурсу з'яўляюцца:

• дапаўненне складу конкурснай камісіі арганізацыямі, да кампетэнцыі якіх адносяцца пытанні забеспячэння бяспекі перавозак пасажыраў, размешчаных на тэрыторыі адпаведнай адміністрацыйна-тэрытарыяльнай адзінкі заказчыка (пры наяўнасці згоды названых арганізацый);
• устанаўленне правамоцным пасяджэння камісіі, калі на ім прысутнічае больш за 50 працэнтаў складу камісіі;
• вызначэнне парадку кампенсацыі затрат на арганізацыю і правядзенне конкурсу;
• устанаўленне адзіных крытэрыяў ацэнкі конкурсных прапаноў для выключэння нядобрасумленных суб'ектаў;
• выключэнне тэрміну падачы ў конкурсную камісію тлумачэнняў, што дазволіць скараціць перыяд правядзення конкурсу;
• вызначэнне парадку дзеянняў прэтэндэнта пасля атрымання ім паведамлення аб прызнанні пераможцы конкурсу або аб прызнанні конкурсу не адбыўшымся;
• вызначэнне парадку заключэння дагавора аб арганізацыі аўтамабільных перавозак пасажыраў у рэгулярных зносінах у выпадку незаключэння дадзенага дагавора з пераможцам конкурсу.

Большая частка палажэнняў пастановы ўступае ў сілу з 1 красавіка 2026 года.