Беларусь і Шры-Ланка абмяркоўваюць перспектывы супрацоўніцтва ў галіне транспарту

03.04.2026

Рабочая сустрэча кіраўнікоў транспартных ведамстваў Рэспублікі Беларусь і астраўной дзяржавы адбылася на палях міжнароднага транспартна-лагістычнага форуму.

Бакі выказалі ўзаемную зацікаўленасць у далейшым развіцці авіязносін. Адпаведная тэма стала адной з ключавых падчас перамоў Міністра транспарту і камунікацый Беларусі Аляксея Ляхновіча і Міністра транспарту, аўтамагістраляў і гарадскога развіцця Шры-Ланкі Бімала Ратнаяке.

Шры-Ланка з'яўляецца адным з найбольш папулярных турыстычных напрамкаў. Як праінфармаваў Міністр транспарту Шры-Ланкі, у 2025 годзе краіну наведала каля 10 тыс. беларускіх турыстаў. Для ўмацавання турыстычных сувязяў ён прапанаваў ажыццяўляць рэгулярныя палёты.

Міністры таксама абмеркавалі пытанні падрыхтоўкі спецыялістаў для транспартнай галіны ў ВНУ Беларусі: ад праграм атрымання вышэйшай адукацыі да курсаў павышэння кваліфікацыі.