Кіраўніком дзяржавы 27 жніўня 2026 года падпісаны Указ № 294 "Аб змяненні ўказаў Прэзідэнта Рэспублікі Беларусь па пытаннях транспартнай і дарожнай дзейнасці"

28.08.2026

Дакумент накіраваны на ўдасканаленне прававога рэгулявання транспартнай і дарожнай дзейнасці, а таксама гарманізацыю нацыянальнага заканадаўства з міжнароднымі абавязацельствамі краіны ў рамках ЕАЭС.

Указам актуалізуюцца палажэнні заканадаўства ў сферы функцыянавання інтэлектуальнай транспартнай сістэмы Міністэрства транспарту і камунікацый.

Прыводзяцца ў адпаведнасць з нормамі ЕАЭС патрабаванні да дапушчальных мас, восевых нагрузак і габарытаў транспартных сродкаў. Уніфікаваны і павышаны гранічныя значэнні дапушчальнай агульнай масы для асобных катэгорый аўтобусаў і грузавых аўтамабіляў. Пры руху ТС міжнароднай перавозкі па аўтамабільных дарогах, уключаных у еўразійскія транспартныя калідоры, будуць прымяняцца ўстаноўленыя нацыянальным заканадаўствам значэнні дапушчальных агульнай масы і восевых нагрузак, але зыходзячы з рэальнай тэхнічнай магчымасці пропуску па канкрэтных участках дарог.

Удасканальваецца кантрольная (наглядная) дзейнасць у транспартнай сферы. У сувязі са скасаваннем беларускай інспекцыі рачнога суднаходства кантралюючыя функцыі ў галіне бяспекі ўнутранага воднага транспарту і суднаходства замацоўваюцца за транспартнай інспекцыяй Мінтранса.