14.07.2025
На ліквідацыі наступстваў непагадзі 9-11 ліпеня на аўтамабільных дарогах і чыгунках краіны была задзейнічана значная колькасць спецтэхнікі і чалавечых рэсурсаў. Усяго на аднаўленчых работах працавалі больш за 40 дарожных брыгад, а таксама звыш 100 работнікаў стальной магістралі.
Найбольш пацярпелі некаторыя раёны Магілёўскай і Віцебскай абласцей. Так, па дадзеных на 10 ліпеня ўздоўж рэспубліканскіх і мясцовых дарог было зафіксавана больш за 2,7 тыс. паваленых дрэў, пашкоджана 53 дарожныя знакі, 110 метраў дарожнай сеткі, 8 дарожных агародж і 1 аўтапавільён.
Падзенне дрэў на лініі электраперадач прывяло да парушэння электразабеспячэння аб'ектаў чыгуначнай інфраструктуры на ўчастках агульнай працягласцю больш за 200 км.
У першыя суткі пасля праходжання навальнічнага фронту аператыўная расчыстка транспартных артэрый была завершана. У цяперашні час працягваецца ўборка буралому ў палосах адводу ўздоўж аўтадарог і чыгуначных шляхоў.
