Аляксей Ляхновіч прыняў удзел у пасяджэнні Савета кіраўнікоў упаўнаважаных органаў у галіне транспарту краін ЕАЭС

01.04.2026

Ключавыя пытанні парадку дня:

Ход выканання Плана мерапрыемстваў ("дарожнай карты") па рэалізацыі асноўных напрамкаў і этапаў рэалізацыі скаардынаванай транспартнай палітыкі дзяржаў – членаў ЕАЭС да 2026 года
Рэалізацыя комплекснага плана па развіцці еўразійскіх транспартных калідораў.

У цяперашні час распрацоўваецца "дарожная карта" рэалізацыі асноўных напрамкаў скаардынаванай транспартнай палітыкі ЕАЭС на 2027-2029 гады. Вызначаюцца ўмовы і этапы далейшага фарміравання адзінай транспартнай прасторы і агульнага рынку транспартных паслуг ЕАЭС у сферы аўтамабільнага, паветранага, воднага і чыгуначнага транспарту.

Кіраўнікі Мінтрансаў абмеркавалі работу па падрыхтоўцы пула інфраструктурных праектаў у ЕАЭС. Разгледзелі пытанні цыфравізацыі на транспарце, інфармацыйнага забеспячэння аўтамабільнага кантролю на знешняй мяжы Саюза.

Вызначаны аптымальныя пералікі звестак для заявак на выдачу спецыяльнага дазволу для праезду тэхнікі і перавозкі грузаў, у тым ліку на праезд ЦБТС, на перавозку небяспечных грузаў пры ажыццяўленні міжнародных перавозак па аўтадарогах еўразійскіх транспартных калідораў, а таксама на праезд велікагрузаў падчас міжнародных перавозак па аўтадарогах з пераліку еўразійскіх транспартных калідораў і маршрутаў.

Члены Савета дамовіліся прадоўжыць работу па рэалізацыі ў ЕАЭС узгодненага механізму кантролю рэжыму работы і адпачынку вадзіцеляў, якія выконваюць міжнародныя аўтаперавозкі грузаў.