Аляксей Ляхновіч: "Мы ганарымся нашымі дасягненнямі, нашымі калектывамі і людзьмі, якія працуюць з поўнай аддачай дзеля агульнай мэты"

01.05.2026

Сёння ў Беларусі адзначаецца Свята працы. Міністр транспарту і камунікацый Аляксей Ляхновіч і старшыня Белпрафтранса Уладзімір Федаровіч прынялі ўдзел у традыцыйнай цырымоніі ўскладання кветак да стэлы "Мінск – горад-герой".

Аляксей Ляхновіч падчас святкавання 1 Мая ў парку Перамогі ў Мінску акцэнтаваў:
"Гэтае свята аб'ядноўвае прадстаўнікоў розных прафесій і пакаленняў беларусаў, з'яўляецца сімвалам міру і салідарнасці народа. Сёння мы гаворым пра тое, што толькі сваёй штодзённай добрасумленнай працай і толькі разам мы можам стварыць надзейны фундамент далейшага развіцця і працвітання роднай Беларусі. Бо мы будуем сваю будучыню і будучыню нашых дзяцей сваімі рукамі, тут і цяпер – кожны на сваім працоўным месцы."

У Першамай у нашай краіне ўшаноўваюць працаўнікоў, якія дасягнулі значных вынікаў: прадпрыемствы, калектывы, ветэранаў працы і працоўныя дынастыі. У Парку Перамогі Міністр наведаў экспазіцыі прадпрыемстваў транспартнай галіны, пагутарыў з работнікамі, пажадаў ім далейшых поспехаў, дабрабыту і згоды ў сем'ях.